Sunnukórinn heldur tónleika ásamt fríðu föruneyti í Ísafjarðarkirkju laugardaginn 12. maí kl. 17:00. Á dagskránni verður kórsöngur, gítarleikur, flautuleikur og einsöngur.

Efnisskráin á rætur sínar að rekja til suðlægra slóða. Þar á meðal eru spænsk þjóðlög, endurreisnartónlist frá tímum Kólumbusar og einnig lög sem hafa suðræna taug eftir íslensk tónskáld. Þannig verða frumflutt tvö ný lög Jónasar Tómassonar og Fjölnis Ásbjörnssonar.